नेपाली कांग्रेसका सभापति शेरबहादुर देउवाले नक्कली भुटानी शरणार्थी प्रकरणमा पक्राउ परेका बालकृष्ण खाँणलाई तत्काल रिहा गर्न मागसहितको प्रस्ताव प्रधानमन्त्री पुष्पकमल दाहाल प्रचण्डको टेबलमा पुर्याएका छन् । यसको खुलासा स्वयं देउवाले नै बुटवल पुगेर गरेका हुन् । उनले थुनामा रहेका आफ्ना नेता बालकृष्ण खाणले न्याय पाउनेमा आफु आशावादी रहेको भनेका छन् ।
कांग्रेस सभापति देउवाको यो भाषणले नक्कली भुटानी शरणार्थीसम्बन्धि मुद्दाका पीडितहरु भने त्रस्त बनेका छन् । अदालतमा विचाराधनी मुद्दालाई प्रभावित पार्ने उदेश्यले यस्तो बोलेको पीडितहरुको आशंका छ ।
पटक पटक पेशी सारेर मुद्दाको आफु अनुकुल फैसला गराउन दबाब दिइरहेको समेत चर्चा भइरहेका बेला देउवाको यस्तो अभिव्यक्ति सार्वजनिक भएको हो । खाण छुटे आफुहरु असुरक्षित हुने र पैसा पनि फिर्ता पाउने सम्भावना कमजोर हुने एक पीडित बताउँछन् ।
मुद्दाको फैसला नहुँदासम्म मुख्य अभियुक्तलाई थुनामा पठाउने जिल्ला अदालतको आदेशविरुद्ध ५ मंसिरदेखि उच्च अदालत पाटनमा सुनुवाई चलिरहेको छ । जिल्लाको आदेशविरुद्ध १६ जना उच्च अदालत गएका छन् ।
यसबीचमा बालकृष्ण खाणलाई रिहा गर्न आवश्यक प्रक्रिया अघि नबढाएको र गम्भीर नभएको भन्दै प्रधानमन्त्री प्रचण्डले पदबाट हट्न पटक–पटक धम्की खाईरहनुपरेको छ । प्रधानमन्त्री प्रचण्डलाई कांग्रेस सभापति देउवा पत्नी आरजु राणाले बालकृष्णलाई जसरी पनि निर्दोष सावित गराउन बालुवाटारलाई चेतावनी दिईरहेका छन् ।
प्रधानमन्त्री प्रचण्डले भने बरु गृहमन्त्री नारायणकाजी श्रेष्ठको विकल्प खोजिने, तर सरकारकै नेतृत्वबाट हट्ने कुरा जायज नभएको जवाफ दिईरहेका छन् । भुटानी शरणार्थी प्रकरणमा सरकारले देखाएको आँटमा गृहमन्त्री श्रेष्ठले पनि वाहवाही पाएका थिए । उनकै कारण आफ्ना नेता जेलमा पुग्नुपरेको आरजु राणाको आरोप छ ।
यसबीचमा सत्ता संकटउन्मुह भएसँगै रास्वपालाईसमेत सरकारमा ल्याउने कसरत अघि बढाएका छन् । उनले गृहमन्त्री रवि लामिछानेलाई नै दिएर भएपनि रास्वपालाई सरकारमा ल्याउने कसरत भईरहेको बालुवाटार स्रोतले जनाएको छ ।
