काठमाडौं ।
मापसे कारबाहीबाट जोगिन ट्राफिक प्रहरीलाई ६ सय रुपैयाँ घुस दिन खोज्दा एकजना मोटरसाइकल चालक पक्राउ परेका छन्।
बिहीबार अपरान्ह ५ बजे सिनामंगल सडकखण्डस्थित ड्युटीमा खटिएका ट्राफिक प्रहरी हवलदार टुकेन्द्रमणि घिमिरेलाई ६ सय रुयैयाँ घुस दिन खोज्दा मोटरसाइकल चालक रामेछापका ४६ वर्षीय दिपेश चौलागाईं समातिएका हुन्।
प्रदेश ३-०२ ०११ प २३१५ नम्बरको मोटरसाइकललाई सवारी तथा यातायात व्यवस्था ऐनअन्तर्गत मापसेमा कारवाही गर्न खोज्दा चौलागाईंले घुस दिन खोजेका थिए।
उनलाई तत्कालै पक्राउ गरी आवश्यक कारवाहीका लागि प्रहरी वृत गौशालामा बुझाइएको महानगरीय ट्राफिक प्रहरी महाशाखाले जनाएको छ।
