रुपन्देही । जनकपुरदेखि भैरहवा हिडेको बस रोहिणी नदीमा खस्दा ९ जनाले ज्यान गुमाएका छन् । लु २ ख ३८४१ नम्बरको बस आईतबार बिहान करिब ४ बजेर ३० मिनेट जाँदा नदीमा खसेको हो ।
बसमा ३३ जना रहेका जिल्ला प्रहरी कार्यालय रुपन्देहीले जनाएको छ । ज्यान गुमाउनेको संख्या ९ पुगेपनि उनीहरुको पहिचान भने हुन सकेको छैन ।
घटनास्थल रोहिणी गाउँपालिका –४ र ओमसतिया गाउँपालिका – ४ को सीमा क्षेत्र हो । तस्बीरमा बस पुलमुनी खसेको देख्न सकिन्छ । बसको अगाडिको भाग पूरै क्षति भएको छ ।
जिल्ला प्रहरी कार्यालय रुपन्देहीका अनुसार धेरैजसो घाइतेहरुको उद्धार गरेर भीम अस्पताल र युनिभर्सल मेडिकल कलेज लगिएको छ ।
अहिलेसम्म ३२ जना यात्रुलाई उद्धार गरी भैरहवास्थित भीम अस्पतालमा र युनिभर्सल शिक्षण अस्पतालमा पुर्याइएको छ ।
भीम अस्पतालमा ४ जना र युनिर्भसल शिक्षण अस्पतालमा ५ जना गरी ९ जनाको मृत्यु भएको प्रहरीले पुष्टि गरेको छ ।
