धादिङ । ज्वालामुखी गाउँपालिकाको वडा नम्वर १ बाट वडा अध्यक्ष पदमा एमालेका कृष्ण गिरी बिजयी भएका छन् । उनले नेपाली कांग्रेसका उम्मेदवारलाई ७ मतले पछि पार्दै विजयी भएका हुन् ।
अरु वडाको मतपरिणाम आउन बाँकी रहंदा पालिकाको अध्यक्ष पदमा भने नेपाली कांग्रेसको अग्रता कायमै रहेको छ । पालिकाको वडा नम्वर १ को मतगणना सम्पन्न भईसक्दा नयाँ मत परिणाम भने केहीबेरमा सार्वजनिक हुनेछ ।
केहीबेर अघि प्राप्त मत परिणाम अनुसार पालिका अध्यक्ष पदमा नेपाली कांग्रेसका उम्मेदवार यमनाथ दनैले ७७८ मत पाएका छन् । त्यस्तै नेकपा एमालेका उम्मेदवार हरेराम लोहनीले ५५४ मत प्राप्त गरेका छन् ।
त्यस्तै उपाध्यक्ष पदमा माओवादीकि उम्मेदवार लक्ष्मी थापा मगरले ५७८ मत प्राप्त गरि अग्रता लिएकी छन् । एकीकृत समाजवादीका उम्मेदवार धर्म बहादुर अर्यालले ५२९ मत प्राप्त गरेका छन् । नेकपा एमालेकी उम्मेदवार चन्द्र कुमारी अधिकारीले ४५७ मत प्राप्त गरेकी छन् ।
यस्तै धादिङको गल्छी गाउँपालिका वडा नम्बर १ को अध्यक्ष पदमा गठबन्धनका साझा उम्मेदवार एकीकृत समाजवादीका माधव प्रसाद खतिवडालाई पराजित गर्दै नेकपा एमालेका यदुकुमार खतिवडा विजयी भएका छन् ।
एमालेका यदुकुमार खतिवडाले निकटतम प्रतिद्वन्दी गठबन्धनका उम्मेदवार पराजित माधव प्रसाद खतिवडालाई १३९ मतको अन्तरले पराजित गरेका हुन् ।
जितका लागि यदुले ११३५ मत ल्याए भने माधव ९९६ मतमा रोकिएका थिए । यस वडाबाट पालिका अध्यक्ष तर्फ एमालेका केदार नाथ खतिवडाले १३१२ मत पाएका छन् ।
गठबन्धनबाट अध्यक्षका उम्मेदवार एकीकृत समाजवादीका कृष्ण हरी श्रेष्ठले ७९२ मत र उपाध्यक्षमा गठबन्धनका उम्मेदवार कांग्रेसका भाईकाजी श्रेष्ठले ११०६ मत पाएका छन् । भने एमालेबाट उपाध्यक्ष उम्मेदवार राधा लामिछानेले ९९८ मत प्राप्त गरेकी छिन् ।
