दुर्गा प्रसाईंलाई एकाएक बालुवाटारबाट आएको एउटा प्रस्तावले खैलाबैला मच्चिएको छ । आन्दोलन फिर्ता गर्न आग्रहसहित आन्न्दोलन स्थगित गरे ऋण मिनाहा गदिरिने प्रस्ताव बालुवाटारबाट आएको प्रसाईं स्वयंले बताएका छन् । आफ्नो आन्दोलनलाई मत्थर पार्न चारैतिरबाट अनेक खालका तिकडम सुरु भएको भन्दै प्रसाईंले त्यस्ता प्रलोभनबाट आफू नफस्ने, व्यवस्था उल्ट्याएरै छाड्ने भनेका छन् ।
२० लाखभन्दा मुनीका ऋण मिनाह नहुन्जेलसम्म आन्दोलन नरोकिने भन्दै उनले बालुवाटारबाट आउने यस्ता प्रलोभन आफूलाई मान्य नहुने र नबहकिने पनि बताए ।
मंसिर ७ गते नेकपा एमालेले पनि शक्ति प्रदर्शनको तयारी गरेको छ । त्यसदिन प्रसाईं र एमाले नेता महेश बस्नेतबीचको भीडन्त राम्रै हुने देखिन्छ । व्यवस्थाविरुद्ध प्रहार गर्न खोज्नेलाई मंसिर ७ गते युवा संघ र एमाले देखाइदिने महेश बस्नेतको ओपन च्यालेन्ज छ ।
संघीय लोकतान्त्रिक गणतन्त्रमाथि प्रहार हुँदा सबैभन्दा धेरै एमालेलाई दुखेको भन्दै उनले अहिलेको व्यवस्थामाथि प्रहार हुँदा एमाले मौन बस्न नसक्ने बताएका छन् ।
महेश बस्नेत र दुर्गा प्रशाई एकअर्कामा निक्कै आक्रामक रुपमा अघि बढ्दै गर्दा सरकारले पनि आफ्नो तयारी अघि बढाएको छ । मंसिर ७ गतेको सुरक्षा व्यवस्थालाई मध्यनजर गर्दै चौतर्फी दबाबमा रहेको सरकारले अवस्था हेरेर कफ्यू नै लगाउनेसम्मको तयारी गरिरहेको छ । निर्धारित आन्दोलन नरोक्ने हो भने मुडभेडको अवस्था सिर्जना हुने भएकोले कफर््यू नै लगाउनेसम्मको तयारी भएको गृहमन्त्रालयका अधिकारीहरु बताउँछन् ।
