धादिङ । बागमती कलम डटकमका प्रधानसम्पादक अनिल नेपालीले आफूलाई सिद्दलेकका अध्यक्ष परशुराम खतिवडाले फोन गरेर धम्कयाएको र आफ्नो गल्ती ढाकछोप गर्न प्रेस काउन्सिलमा गएको दाबी गरेका छन् । पत्रकार नेपालीसमेतमाथि ब्ल्याकमेलिङको आरोप लागेको विषयमा नेप्लिज टाइम्सले समाचार प्रकाशित गरेको थियो ।
समाचारमा पत्रकार नेपाली प्रधानसम्पादक रहेको बागमती कलम डटकमले पालिकामा पेस गरेको बिलसमेत सार्वजनिक भएको छ ।
उनले पनि आफूले बिल पेस गरेको स्वीकार गरेका छन् । तर उनले आफ्नो गल्ती ढाकछोप गर्नका लागि सूचना बापत पेस गरेको बिललाई पालिका अध्यक्ष खतिवडाले हतियार बनाएको आरोप लगाए ।
यस्तो छ उनको प्रतिक्रिया जस्ताको तस्तैः
धादिङ जिल्ला सिद्धलेक गाउँपालिकाको शिक्षा समितिको मिति २०८२-०४-२९ गतेको निर्णय अनुसार गाउँपालिका भित्रका बिद्यालय समायोजन (खारेजी), शिक्षक सरुवा, बिद्यालय वर्गिकरण लगायतका बिषयमा गाउँपालिकाको वेभसाईट मा राखिएको सूचनाका आधारमा म अनिल कुमार नेपालीले २०८२-०५-०३ गते मेरो अनलाइन बागमती कलम डट कममा सिद्धलेकमा ९ वटा विद्यालय समायोजन २८ जना शिक्षकको सरुवासँगै बिद्यालय वर्गिकरण (विवरणसहित) शिर्षकमा समाचार लेखेको थिएँ ।
समाचारमा विद्यालय समायोजन (खारेजी), शिक्षक सरुवा र बिद्यालय बर्गिकरणको बिषयलाई समेटेर समाचार लेखेको हो । सोही क्रममा सिद्धलेक ७ को भाल्डाँडामा रहेको जाल्पादेवी आविमा अंग्रेजी बिषयको शिक्षक दरवन्दी सहित सरुवा गरेकोमा त्यहाँका स्थानीयले बिद्यालय तालावन्दी गरेर पठनपाठन रोकेको जानकारी दिएपछि त्यस बिषयलाई पनि समाचारमा जोडेको थिए ।
भदौ ४ गते अपरान्ह १२ः४६ वजेको समयमा गाउँपालिका अध्यक्ष ज्यूले फोन मार्फत बिद्यालय वन्द भयो भनेर किन समाचार लेखेको, कस्ले भनेर लेखेको ? भनेर उहाँको आफनो खह्रो भाषामा भन्नुभयो । मैले अध्यक्षलाई समाचारको बिषयमा तपाईले मलाई किन हप्काएको, सबै आधार तथ्य, फोटो भिडियोसहित प्रकाशन गरेको छु भन्दा यो होईन गलत भयो भन्दै यस्तो नगर भन्दै फोन काटिदिए ।
त्यो दिन त्यतिकै भयो, पत्रकार महासंघका अध्यक्ष धादिङवाहिर भएकाले भेट्न सकिएन । ७ गते उहाँ धादिङ फर्कनु भयो । ८ गते बेलुकी उहाँ संग भेट भयो, मैले समान्य कुरा उहाँलाई जानकारी गराएँ ।
९ गते उहाँले महासंघको तर्फबाट घटनाको निन्दा गर्दै बिज्ञप्ति निकाल्नु भयो । बिज्ञप्ति नेपाल पत्रकार महासंघ केन्द्रिय समिति, प्रेस चौतारी नेपाल, समाजवादी प्रेस संगठनले पनि निकाले ।
त्यहि बिज्ञप्तिको आधारमा विभिन्न सञ्चार माध्यममा समाचार आएपछि गाउँपालिका अध्यक्षले समाचार लेख्ने केशव अधिकारी, अनिल नेपाली र पत्रकारलाई गरिएको अपमानजनक व्यवयहारबिरुद्ध बिज्ञप्ति निकाल्ने अध्यक्ष सीताराम अधिकारीलाई उल्टै झूटो आरोप लगाई भदौ १२ गते प्रेस काउन्सिल नेपाललाई उजुरी दिनुभएछ । सोही उजुरीको छायाँ प्रति सिसिटिभी फुटेज तपाईको लोकप्रिय सञ्चार माध्यममा प्रकाशन गर्नुभएको रहेछ ।
वास्तविक कुरा सिद्धलेकको अध्यक्ष म प्रति हर समय नेगेटिभ छन् । उनले मलाई मेरो सञ्चार माध्यमलाई बहिष्कार नै गरेका छन् । कारण मैले सिद्धलेकको कुनै वडामा भएका राम्रा गतिबिधि, राम्रा कामका प्रचार गरे भने उहाँलाई टाउको दुख्ने रहेछ किनभने मैले यसरी समाचार राखेपछि वडाध्यक्षको काम देखिने भयो म ओझेलमा पर्ने भएँ, मेरो काम नदेखिने भयो भन्ने सोच राख्ने मान्छे रहेछन् ।
एक कारण यो रह्यो । अर्को कारण भनेको करिब १५ हप्ता अगाडी ‘गाउँपालिका अध्यक्ष र वडाअध्यक्षबिच सवाल जवाफ : सिद्धलेक गाउँपालिकाले आयोजना गरेको एक कार्यक्रममा गाउँपालिका अध्यक्ष परशुराम खतिवडा र वडा नम्बर २ का वडा अध्यक्ष शम्भु गुरुङ (सागर) बिचको सवाल जवाफ सुन्नुहोला ।’ भन्ने शिर्षक राखेर मैले एउटा भिडियो प्रकाशन गरेँ ।
यसपछि अध्यक्षले मलाई बहिस्कार गरेको हो । बहिस्कार पनि यतिसम्म कि मलाई पालिका आउन नदिने, पालिका प्रवेश गर्न नदिने भने, जिल्लाकf अन्य पत्रकारहरुसँग समेत बागमती कलमका फलानोलाई यहाँ लिएर नआउनु, उस्लाई कुनै सूचना सन्देश बिज्ञापन समाचार नदिनु भनेर सार्वजनिक रुपमै भनेको खबर पाएँ ।
जो म पत्रकार मात्रै थिईनँ सोही गाउँपालिकाको वडा नं २ को नागरिक समेत थिएँ । पालिकामा एक बर्षमा ३÷४ हाकिम चेन्ज भईराख्ने अवस्था थियो । मलाई पालिकाको बिभिन्न शाखाका प्रमुखहरुबाट डेंगु रोग लगायत विभिन्न स्वास्थ्य सम्बन्धी, कृषी सम्बन्धी, सामाजिक सुरक्षा भत्ता लगाएतका सूचना प्रकाशनको लागि मौखिक रुपमा राख्न अनुमती दिईएको थियो ।
जुन सिद्धलेक गाउँपालिकामा कुनै पनि पत्रकारले कुनै पनि सञ्चार माध्यमले लिखित सम्झौता गरेको छैन । यदि कुनै भई हालेमा गोजी मिडिया आफ्नो गुनगान गाउने पछिपछि कुद्ने मिडियालाई अन्तिम समयमा देखावटी रुपमा सम्झौता गरेको देखाउने प्रबिधि हुँदै आएको छ ।
मैले एक आर्थिक बर्षमा मलाई पालिकाले प्रकाशनको लागि अनुमती दिएको सूचनाको बिल त्यहाँ पेश गर्दा हाकिमले तोक लगाएको अवस्थामा पनि यस्लाई दिनुहुन्न भनेर अध्यक्षले रोकेको कुरा मैले गोप्य स्रोतबाट थाहा पाएको थिएँ ।
पैसा दिएर समाचार लेख्न लगाउने बानी परेकालाई म बहिस्कारमा परेकालाई कहाँ दिन्थेर ? सञ्चारमाध्यमले बिज्ञापन, जनचेतनामूलक सन्देश प्रकाशन गरेबापत त पैसा लिन्छ नै । मेरो सञ्चार माध्यम पालिका अध्यक्ष खतिवडाको पेवा त होईन नी त मैले सितैमा बिज्ञापन प्रचार गर्न । समाचार लेखेको पैसा लिने पत्रकार म परिनँ । मैले मेरो मेहनतको, मेरो सञ्चारमाध्यमबाट नागरिकलाई सन्देशमूलक सूचना प्रचारप्रसार गरेको बिज्ञापन वापतको रकम माग गर्दा अध्यक्षबाट रोकियो । यति हुँदा हुँदै असार श्रावण सकियो ।
२०८२-०५-०३ गते मेरो अनलाइन बागमती कलम डटकममा ‘सिद्धलेकमा ९ वटा विद्यालय समायोजन : २८ जना शिक्षकको सरुवासँगै बिद्यालय वर्गिकरण (विवरणसहित)’ शिर्षकमा समाचार लेखेको थिएँ ।
यस बिषयमा भदौ ४ गते अपरान्ह १२ः४६ वजेको समयमा गाउँपालिका अध्यक्ष ज्यूले फोन मार्फत बिद्यालय वन्द भयो भनेर किन समाचार लेखेको, कस्ले भनेर लेखेको ? भनेर उहाँको आफनो खह्रो भाषामा भन्नुभयो ।
मैले अध्यक्षलाई समाचारको बिषयमा तपाईले मलाई किन हप्काएको, सबै आधार तथ्य, फोटो भिडियोसहित प्रकाशन गरेको छु भन्दा यो होईन गलत भयो भन्दै यस्तो नगर भन्दै फोन काटिदिए ।
त्यो दिन त्यतिकै भयो, केही दिन पछी महासंघको तर्फबाट घटनाको निन्दा गर्दै बिज्ञप्ति निकालियो । बिज्ञप्ति नेपाल पत्रकार महासंघ केन्द्रिय समिति, प्रेस चौतारी नेपाल, समाजवादी प्रेस संगठनले पनि निकाले ।
त्यहि बिज्ञप्तिको आधारमा विभिन्न सञ्चार माध्यममा समाचार आएपछि गाउँपालिका अध्यक्षले शुरुको समाचार लेख्ने केशव अधिकारी, अनिल नेपाली र पत्रकारलाई गरिएको अपमानजनक व्यवहारविरुद्ध बिज्ञप्ति निकाल्ने अध्यक्ष सीताराम अधिकारीलाई उल्टै झूटो आरोप लगाई भदौ १२ गते प्रेस काउन्सिल नेपाललाई उजुरी दिनुभएछ ।
सोही उजुरीको छायाँ प्रति सिसिटिभी फुटेज तपाईको लोकप्रिय सञ्चार माध्यममा प्रकाशन गर्नुभएको रहेछ । र मेरो बारेमा तपाईको सञ्चारमाध्यममा बागमतीकलम डटकमका प्रधानसम्पादक अनिल कुमार नेपालीसमेतले पटक पटक गाउँपालिकालाई आवश्यक पर्ने सामग्री खरिदको जिम्मा नदिने हो भने नराम्रा समाचार प्रकाशित गर्ने धम्की दिदै आएको र बार्गेनिङ असफल भएपछि गलत समाचार प्रकाशित गरेको उजुरीमा भनिएको छ भनेर समाचार लेख्नुभएको रहेछ ।
अब कति सम्म सत्यता होला यो कुरामा ? मैले माथि उल्लेख गरेका कुराहरुको बारे सिद्धलेकका जुनकुनै नागरिकसँग बुझ्नुस् हो होईन पत्ता लाग्छ । अध्यक्षले ममाथि प्रतिसोध राखी यो उजुरी गरेका छन् यो झुट र भ्रम फैलाएका छन् ।
अर्को कुरा गाउँपालिकासँग कुनै अनुमति नै नलिई गाउँपालिकाको कार्यक्रमलगायतको सूचना विज्ञापन प्रकाशित गरेको भनेर रकम माग गरेर बिल पेश गरेको अध्यक्ष खतिवडाको आरोप छ ।
प्राप्त विवरणअनुसार आरआर मिडिया हाउसद्धारा संचालित बागमती कलम डटकमले ‘सन्देशमूलक सामग्री प्रकाशन गरेको भनेर २० हजार रुपैयाँ भुक्तानीको लागि विल पेश गरेको थियो’ भन्ने जुन लाईन छ । गाउँपालिकासँग कुनै अनुमति नै लिन अध्यक्ष मात्रै सर्वहारा होईनन होला नी उहाँले त गोजीको मिडिया, गुनगान गाउने, आफ्नो पक्षको मात्रै समाचार लेख्ने, अझै भनौ केही पार्टीका खोल ओडेका पत्रकारलाई मात्रै अनुमति दिन्छन् ।
मलाई यसै दिदैनन् नी, मलाई त शाखाका प्रमुखहरु, प्रमुख प्रशासकिय अधिकृतहरुले दिएका हुन् । आरआर मिडिया हाउसद्धारा संचालित बागमती कलम डटकमले पालिकाबाट प्राप्त एक बर्ष भरी प्रकाशन गरिएका सन्देशमूलक सामग्रीको २० हजार रुपैयाँ भुक्तानीको लागि गत असार १ गते विल पेश गरेकै हो ।
यदी गाउँपालिकासँग कुनै अनुमति नै नलिई गाउँपालिकाको कार्यक्रम लगायतको सूचना विज्ञापन प्रकाशित गरेको भनेर रकम माग गरेर बिल पेश गरेको भन्ने अध्यक्षलाई थाहा रहेछ त असारमै, अझ भनौ श्रावणमै किन उजुरी नदिएको त ?
अनिल नेपालीले कहिले सिद्धलेकको बिषयमा समाचार लेख्छ र अनि उजुरी हालौँला भनेर बसेको हो त अध्यक्षले ? यदि त्यसो हो भने म सँग अझै बिल बाँकी छन् पालिका ल्याएर पेश गर्छु उजुरी दिन तयारी रहनु परशुराम खतिवडा ज्यू ।
अनिल कुमार नेपाली
बागमती कलम डट कम
