काठमाडौं । कसैले के छ हजुर भनेर सोध्दा ठिक छ हजुर भन्ने जवाफ दिने सचिन परियारको न त पारिवारिक जीवन ठिकठाक थियो, न त स्वास्थ्य अवस्था नै । न आमाको ममतामयी काख, न त बुबाको जिम्मेवार साथ नै थियो । अस्वस्थ बिरामी शरिर बोकेर काठमाडौंको सडकका गल्लीगल्लीमा कहिले माग्दै गरेको अवस्थामा भेटिए, अनि त्यहि दृश्य कैद गरेर युटबरले कन्टेन्ट बनाएर डलर कमाउने धन्दा चलाए । तर अब उनै सचिन परियारले यो संसार छाडेर संधैका लागि विदा भएका छन् ।
