धादिङ । नेकपा माओवादी केन्द्र धादिङले एकै घरका श्रीमान–श्रीमतीलाई मेयर र उपमेयरमा सिफारिस गरेको खुलेको छ ।
स्थानीय निर्वाचनको लागि निलकण्ठ नगरपालिका धादिङको मेयर र उपमेरमा माओवादी केन्द्रले मेयर र उपमेयरमा एकै घरका श्रीमान् र श्रीमतीलाई सिफारिस गरेको हो ।
मनराज भण्डारी नीलकण्ठ नगरपालिका धादिङका उप–मेयर छन् । उनी नेकपा माओवादी केन्द्र धादिङका अध्यक्षसमेत हुन् । बहालवाला उपमेयरको नाम मेयरमा र श्रीमतीको नाम उपमेयर सिफारिस भएसँगै माओवादी केन्द्रका नेता कार्यकर्ताले उनको चर्को आलोचना गरिरहेका छन् ।
२०७४ सालको स्थानीय निर्वाचनमा काँग्रेस र माओवादीबीच सत्ता गठबन्धन भएपछि मनराज भण्डारी उपमेयरमा निर्वाचित भएका थिए ।
उपमेयर भएपनि उनले पार्टी र नाागरिकहरुको लागि उपलब्धीमुलक काम गर्न नसकेको भनेर चर्को विरोधसहित आलोचना भइरहेको छ । उनै भण्डारी र उनकी श्रीमती नै मेयर र उपमेयरमा सिफारिस भएसँगै चर्को आलोचना भइरहेको हो ।
सत्ता गठबन्धन भएको खण्डमा धादिङको नीलकण्ठ नगरपालिकाको मेयर काँग्रेसको भागमा रहनेछ । माओवादी केन्द्र निलकण्ठले मेयर पदका लागि मनराज भण्डारी, कमल सापकोटा, तिलक थापामगर र शम्भु श्रेष्ठको नाम छनोटको लागि प्रदेश कमिटीमा सिफारिस गरेको छ ।
उप प्रमुखमा ९ जनाको नामा सिफारिस भएको छ । जसमा सोम्बोले तामाङ (अक्कल), दिपक विश्वकर्मा, रामचन्द्र सामरी, रुद्रबहादुर खत्री, सरला धमला, बद्री सुवेदी, ध्रुव थापा, सिता भण्डारी र निशा मजाकोटी रहेका छन् । मेयर पदका दावेदार मनराज भण्डारी र उप मेयरका दावेदार सिता भण्डारी श्रीमान श्रीमती हुन् ।
यस्तै धादिङका सत्ता गठबन्धन दल बीच नेत्रावती बाहेकका अन्य पालिकाहरुमा सहमति भएको बताईएको छ । उप प्रमुख र वडाहरु भागबण्डा कै क्रममा रहेको बताईएको छ ।
पछिल्लो सहमती अनुसार कांग्रेसको भागमा नीलकण्ठ नगरपालिका सहित ज्वालामुखी गाउँपालिका, सिद्धलेक गाउँपालिका, गजुरी गाउँपालिका, त्रिपुरासुन्दरी गाउँपालिका, खनियावास गाउँपालिका र गंगाजमुनाको अध्यक्ष परेको छ ।
यस्तै माओवादी कन्द्रको भागमा जिल्ला समन्वय समितिको प्रमुख सहित थाक्रे, बेनीघाट रोराङ र रुवीभ्याली गाउँपालिको अध्यक्ष परेको छ भने समाजवादीले गल्छी र धुनीबेसीको अध्यक्ष पाएको छ ।
यस्तै धादिङको रुबीभ्याली गाउँपालिकाका अध्यक्ष पिटर तामाङको नेतृत्वमा आएको युवाहरुको टोलीले धादिङबेसी स्थित एकीकृत समजवादीको पार्टी कार्यालय तालाबन्दी गरेको छ ।
गठबन्धनको साझा उँम्मेदवार उठाउने नाममा गरिएको समझदारीले रुबीभ्यालीमा समस्य उत्पन्न भएको र एकीकृत समाजवादीलाई अन्याय भएकाले पुनर विचारको लागि दवाद सृजना गर्न तालाबन्दी गर्नु परेको अध्यक्ष पिटरले बताएका छन् ।
