काठमाडौं । नेपाली काँग्रेस रुपन्देही क्षेत्र नम्बर २ का सभापति हरि लम्सालले नेपाल िकांग्रेस परित्याग गरेका छन् । पार्टीले एकलौटी काम गरेको भन्दै उनले साधारण सदस्य समेत नरहने गरी राजीनामा दिएका हुन् ।
जिल्ला पार्टी कार्यालय भैरहवा पुगेर उनले राजीनामा बुझाएका हुन् । पार्टीले एकलौटी र षडयन्त्रपूर्वक नगर प्रमुखहरुको नाम सिफारिस गरेको उनको आरोप छ ।
नगर सभापतिहरुले एकलौटीबारे आवाज उठाउँदा समेत बेवास्ता भएको भन्दै उनले इमान्दारीता, निष्ठा र विधानको कुनै महत्व रहेन छ भन्ने निष्कर्ष निकालेर राजीनामा दिएको बताउका छन् ।
लामो समयदेखि नेपाली काँग्रेसको राजनीति गर्दै आएका लम्साल दुई कार्यकाल क्षेत्रीय सभापति रहेका थिए । उनीसँगै नेपाली कांग्रेसका अरु नेता तथा कार्यकर्ताहरुले पनि पार्टी परित्याग गर्ने तयारी गरेका छन् ।
सत्तारुढ दलहरुबीच ६ वटै महानगरपालिकामा चुनावी भागबण्डा गर्ने औपचारिक सहमतिले नेपाली कांग्रेसमा तरंग पैदा भएको छ । सत्तारुढ दलका शीर्ष नेताहरुले सबै महानगरपालिका र उपमहानगरपालिकामा केन्द्रबाटै भागबण्डा मिलाएसँगै नेपाली कांग्रेसका नेताहरु असन्तुष्ट छन् ।
असन्तुष्ट कांग्रेसका केही नेताहरुले धमाधम पार्टी परित्याग गरिरहेका छन् भने केहीले बागी उम्मेदवारी दिने तयारीसहित छुट्टै भेला गर्न थालेका छन् । विशेषगरी नेपाली कांग्रेसभित्र शेखर कोइराला समूहका नेताहरु गठबन्धन गर्न नहुँने पक्षमा रहेका छन् ।
नेपाली कांग्रेसका नेता कोइरालासहित उपसभापतिन धनराज गुरु, महामन्त्री गगन थापा, विश्वप्रकाश शर्मालगायत नेताहरु चुनावी तालमेलको विपक्षमा रहेका छन् । यस्तै चुनावी तालमेलको विपक्षमा नेता चन्द्र भण्डारी पनि रहेका छन् । उनले शुक्रबार एक स्टाटस पोष्ट गर्दै नेपाली कांग्रेसका नेता तथा कार्यकर्ता र मतदाताहरुलाई अपमान नभई सम्मान गर्नुपर्ने बताउका छन् ।
सत्ताको तातो रापमा निस्केका कठोर शब्दहरु कोरोना नबननुन् भन्दै उनले पार्टीको नेतृत्व गरिरहेकाहरुले पार्टीका अरु नेता तथा कार्यकर्ताहरुलाई अपमान गर्न नमिल्ने बताएका छन् । उनले आदर र सम्ममानमा सबैले बाँच्ने र अपमान कसैले पनि सहन नसक्ने भनेका छन् ।
उनले लेखेका छन्, ‘सम्मान गर साथीहरुलाई अपमान होइन १ सत्ताको तातो रापमा निस्केका कठोर शब्दहरु कोरोना नबनुन् । आदर र सम्मानमा सबैसँगै बाँच्ने हो ,अपमानमा होइन ।’
