काठमाडौं । भारतका चर्चित खेलाडी शिखर धवन नेपाल आएर नेपाल प्रिमियर लिग एनपीएल खेल्ने भएसँगै अहिले नेपाली क्रिकेट खेलप्रेमीमाझ उनैको चर्चा छ । भारतका एकजना चर्चित खेलाडिले नेपाली भूमीमा आएर क्रिकेट खेल्नु भनेको आफैंमा गौरवको विषय हो भने यसले नेपाली क्रिकेटलाई विश्व जगतमा चिनाउन मद्दत समेत गर्छ भन्ने विश्वास छ । यो सँगसँगै उनले नेपाल आएर क्रिकेट खेलेबापत कति रकम पाउँदै छन् त ? तपाई हामीमाझ अर्को जिज्ञासा पनि छ ।
शिखर धवनको नाम सुन्ने र नसुन्ने कतिपयलाई उनी वास्तवमै को हुन् त ? उनले नेपाल प्रिमियर लिग एनपिएलका प्रत्येक खेलबापत ३० हजार अमेरिकी डलर पाउने छन् । यो भनेको नेपाली ४० लाख ५० हजार रुपैयाँ हो । उनले कर्णाली याक्सबाट ४ खेल खेल्नेछन् । ४ खेल खेलेवापत उनले १ करोड ६० लाख रुपैयाँभन्दा बढि रकम पाउनेछन् । उनी नोभेम्बर २९ तारिखमा नेपाल आउने छन् । धवनले ३० गते बिहान पशुपतिको दर्शन गर्नेछन् । लगत्तै दिउँसो हुने एनपिएल उद्घाटनमा सहभागी हुनेछन् ।
