क्रिकेटर सन्दीप लामिछानेले अमेरिकाको भिसा नपाउँदा सबैभन्दा बढि गाली खानेमध्ये नेपाल क्रिकेट संघ क्यानका अध्यक्ष चतुरबहादुर चन्द र सचिव पारस खड्का हुन् । जसले सन्दीपलाई रोक्ने काम गरेको भनेर निक्कै हप्कीदप्की सहनुपर्यो ।
उनीहरुकै कारण सन्दीपले अमेरिकाको भिसा नपाएको भनेर समर्थकले जिवनभरलाई पुग्नेगरी उनीहरुलाई गाली गरे । तर, यि दुई पात्र जसले सबैको गाली खाएरै भएपनि सन्दीपलाई विश्वकपको मैदानमा पुर्याउन भने सफल भएका छन्, त्यो पनि सुटुक्क । सन्दीपलाई वेस्ट ईन्डिज पुर्याएर मात्रै क्यानले यसको औपचारिक जानकारी गराउँदा नेपाली क्रिकेट समर्थक आश्चर्य चकित मात्रै भएका छैनन्, भित्रभित्रै क्यानले यतिसम्म दुःख गरिरहेका रहेछन् भन्ने तथ्य बाहिरिएको छ ।
