Latest News

चुनावको मिति घोषणा लगत्तै माधव नेपालले खान थाले हार, अहिले त यसो पो भन्न थाले !

Nepalese Times August 5, 2022 (1 Year ago)    361 Views

काठमाडौं ।

नेकपा (एकीकृत समाजवादी) का अध्यक्ष माधवकुमार नेपालले राजनीति छाड्न चाहे पनि परिस्थितिले नमिलेको बताएका छन्।

काठमाडौंमा बिहीबार आयोजित पुस्तक विमोचन कार्यक्रममा नेता नेपालले आफूले ७० वर्ष पुगेपछि राजनीतिक छाड्न चाहे पनि परिस्थिति त्यस्तो नबनेको बताएका हुन्।

‘कहिलेकाहीँ त राजनीति छाडौँ कि भन्ने लाग्छ। ७० वर्षमै छोडौं कि भनेको तर परिस्थितिले दिएको छैन,’ नेपालले भने, आज मात्रै चुनाव घोषणा भएको छ। यसपटकको चुनाव त लड्नैपर्छ, जित्नैपर्छ । नउठ्ने हो भने फेरि माधव नेपाल डराएछ कि भन्ने पर्छ।’

त्यस्तै, अध्यक्ष नेपालले आगामी चुनावमा पनि गठबन्धन कायम रहने र गठबन्धनभित्रै तेस्रो मोर्चा पनि बन्ने बताएका छन् ।नेपालले गठबन्धनभित्रका चार दल एकतावद्ध भएर जान जरुरी भएको बताए ।

‘गठबन्धन कायम रहन्छ, गठबन्धन दलहरु मिलेर नै चुनावमा जाने छन्,’ नेपालले भने, ‘तर, हामी अर्को मोर्चा बनाउन पनि गइरहेका छौं । ‘थर्डपोल’ जसलाई भन्छ । तेस्रो शक्ति । त्यसमा एकीकृत समाजवादी, माओवादी केन्द्र, जनता समाजवादी पार्टी, राष्ट्रिय जनमोर्चा । यी चारवटा पार्टी पनि एक ठाउँमा गोलवद्ध हुनु जरुरी छ ।’

नेपाली कांग्रेसलाई हामी नै सबैथोक हो भन्ने परेको हुनसक्ने भन्दै त्यसका लागि पनि तेस्रो मोर्चा आवश्यक रहेको नेपालको भनाइ थियो । उनले भने, ‘किनभने नेपाली कांग्रेसलाई हामी नै सबै थोक हौं भन्ने परेको हुनसक्छ । यो सर्वेसर्वा मै हुँ भन्ने कुराले बिगारेको छ । त्यसकारण हामी पनि केही हौं भन्ने समय आएको छ। यस्तो अवस्थामा अझै अर्को चुनावी मोर्चा बनाउनुपर्ने, वाम शक्तिहरु मिल्नुपर्ने हुन्छ ।’

वाम शक्तिहरु मिल्ने सन्दर्भमा अर्काको अस्थित्व स्वीकार नगर्नेहरुसँग मिल्न नसकिने उनको भनाइ छ। ‘को को वाम शक्तिसँग मिल्ने ?,’ नेकपा एमालेतिर संकेत गर्दै नेपालले भने, ‘एकले अर्काको अस्तित्व स्वीकार नै गर्नेसँग मिल्ने कुरा हुन्छ ? जुन गाउँ जानु नै छैन, त्यो बाटो सोध्नु नै हुँदैन भनेर त्यसै भनेका होइनन् ।’

वामपन्थीहरुमध्ये पनि मन समेत मिल्नेहरुसँग मिलेर जाने नेपालको भनाइ छ। ‘अब अगाडि बढ्ने सन्दर्भमा विचार मिल्नेहरु, धारणा मिल्नेहरु, भावना मिल्नेहरु, मन मिल्नेहरु मिलेर जानुपर्छ’, उनले भने ।

प्रतिक्रिया दिनुहोस