काठमाडौं-
जिल्ला न्यायाधीशका लागि न्यायपरिषदले ६३ जनालाई प्रारम्भिक छनोट (सर्ट लिस्ट) गरेको छ। परिषदको साउन १० गते बसेको बैठकले ६३ जनाको संक्षिप्त सूची सार्वजनिक गरेको हो।
२१ जिल्ला न्यायाधीश पदमा पूर्ति गर्नका लागि असार २७ मा सूचना जारी गरेको थियो। करिब २०० जनाले जिल्ला न्यायाधीशका लागि आवेदन दिएका थिए। जसमध्येबाट ६३ जना छनोट भएका हुन्।
२१ जना जिल्ला न्यायाधीशका लागि न्याय परिषदले न्यायाधीश नियुक्तिको मापदण्ड बनाउँदै आवेदन माग गरेको थियो। न्याय परिषद सचिवालयले सूचना जारी गर्दै संक्षिप्त सूचीमा परेका व्यक्तिहरुका सम्बन्धमा कुनै उजुरी भए ७ दिनभित्र परिषदको सचिवायलमा पेस गर्न आग्रह गरेको छ। यो सूचीबाट जिल्ला न्यायाधीशको अन्तिम छनोट गरि नियुक्ति गर्ने न्यायपरिषद्को तयारी छ।
त्यस्तै, न्यायपरिषदले २२४ जना जिल्ला न्यायाधीशको सरुवा गरेको छ । मंगलबारको परिषदको बैठकले जिल्ला अदालतका २१ जना न्यायाधीशका लागि ६३ जनाको सूची पनि सार्वजनिक गरेको छ ।
अब सर्वसाधारणले उनीहरुका विषयमा कुनै गुनासो वा उजुरी दिन पाउनेछन् । न्यायाधीश नियुक्तिसम्बन्धी मापदण्डमा न्यायाधीशका लागि सूचि सार्वजनिक गर्नुपर्ने र उजुरी वा गुनासो भए लिनुपर्ने व्यवस्था छ ।
त्यसैगरी उच्च अदालतमा रिक्त २७ जना न्यायाधीश नियुक्तिका लागि सूचना प्रकाशित गर्ने निर्णय पनि भएको न्यायपरिषदका प्रवक्ता मानबहादुर कार्कीले जानकारी दिए । जिल्ला अदालत काठमाडौंको न्यायाधीशमा दीपककुमार पोखरेललाई सरुवा गरिएको छ। उनी यसअघि महोत्तरी जिल्ला अदालतमा कार्यरत थिए।
यस्तै, जिल्ला अदालत चितवनमा कार्यरत केशवप्रसाद अधिकारी र तनहुँ जिल्ला अदालतमा कार्यरत वासुदेव पौडेल पनि काठमाडौंमा सरुवा भएका छन्।
न्यायाधीश दीपक खनाल, कास्की जिल्ला अदालतका डण्डपाणि शर्मा, बारामा कार्यरत दयाराम ढकाल र ईश्वरीप्रसाद गौतम, जिल्ला अदालत दाङका हिमलाल बेल्वासे, स्याङ्जामा कार्यरत सूर्यबहादुर थापा पनि काठमाडौंको न्यायाधीशमा सरुवा भएका छन्।
झापाका नारायणप्रसाद पराजुली, बारका प्रकाशप्रसाद पण्डित, मोरङका किशोर घिमिरे, सप्तरीका नारायणप्रसाद दाहाल, पर्साका नारायणप्रसाद शर्मा, झापाका शंकरबहादुर राई, बाँकेका दुर्गाबहादुर भुसाल, रुपन्देहीका दीपक ढकाल र कमलप्रसाद ज्ञवाली, धनुषाका केशवप्रसाद घिमिरे, पर्साका माधवप्रसाद मैनाली र प्रमप्रसाद न्यौपाने पनि काठमाडौं सरुवा भएका छन्।
यस्तै झापाका विनोद खतिवडा, बाजुराका माधवप्रसाद घिमिरे, मनाङका चन्द्रप्रकाश तिवारी र चितवन जिल्ला अदालतकी न्यायाधीश शकुन्तला कार्की पनि जिल्ला अदालत काठमाडौंमा सरुवा भएका छन्।
को को परे?
