काठमाडौं– कांग्रेसका वरिष्ठ नेता रामचन्द्र पौडेलले भरतपुरमा बागी उम्मेदवारी दिएका जगन्नाथ पौडेल उत्तेजनामा आएर विरोधमा उत्रिएको बताए । उनले चितवनमा आयोजित आमसभामा बोल्दै बागी उम्मेदवारी दिने जगन्नाथहरूले धैर्यता राख्न नसकेको बताएका हुन् ।
‘साथीहरु अहिले नेपालमा मैले जगन्नाथ जि हरुलाई म बसेको ठाउँमा बोलाएर छलफल गर्न चाहेँ तर उहाँहरु चाड चाँडै उठेर जान खोज्नुभयो,’ उनले भने, ‘धैर्य राख्न सक्नुभएन । मैले दिएको तर्कलाई उहाँहरुले तर्कको रुपमा सामाना गर्न तयार हुनुहुन्छ जस्तो लाग्यो । उहाँहरु उत्तेजनामा आएर मात्रै असन्तुष्टि व्यक्त गरेर विरोधमा उत्रिएको जस्तो मलाई लाग्यो ।’
उनले अहिले कांग्रेसको प्रतिस्पर्धा प्रचण्डसँग नभएको समेत बताए । अहिले को प्रतिस्पर्धा ओली प्रवृत्तिसँग भएको उनको भनाइ छ ।
‘मैले साथीहरुलाई मैले भने जुन राजनीतिक द्वन्द्व चलिरहेको छ । नेपाली कांग्रेसको प्रतिस्पर्धा को सँग हो ?,’ उनले भने, ‘नेपाली कांग्रेस प्रतिस्पर्धा माओवादीसँग होइन। प्रचण्डसँग होइन । केपी ओली प्रवृत्तिसँग हो । उनीहरुसँग हाम्रो प्रतिस्पर्धा छ ।’
उनले गठबन्धन अहिले आवश्यकता भएको भन्दै गठबन्धनका लागि सभापति देउवा भन्दा अगाडी आफूले प्रस्ताव गरेको समेत दाबी गरे ।
‘शेरबहादुर भन्दा पहिले मैले हो गठबन्धनको आवश्यकता महशुस गरेको थिए,’ उनले भने, ‘जब केपी ओलीले जब निरकुंसता तिर अगाडी बढ्दै थिए । तर मैले यसको आवश्यकता महशुस गरेको थिएँ । भरतपुरको सभालाई सम्बोधन गर्न प्रधानमन्त्री तथा कांग्रेस सभापति शेरबहादुर देउवा, माओवादी अध्यक्ष प्रचण्ड, एकीकृत समाजवादीका अध्यक्ष माधव नेपाल, कांग्रेसका बरिष्ठ नेता रामचन्द्र पौडेल लगायत सहभागि छन् ।
