ताजा समाचार

नेपालगञ्जकी दुई महिलाको शंकास्पद मृत्यु प्रकरणमा सर्वोच्च अदालतले दियो यस्तो आदेश !

नेप्लिज संवाददाता २६ आश्विन २०७८, मंगलवार १७:३५ (1 हप्ता अघि)    १६९ जनाले पढ़िसके

काठमाडौं । प्रहरी नियन्त्रणमा रहेकी नेपालगञ्जकी अधिकारकर्मी रुवी खानलाई असोज २८ उपस्थित गराउन सर्वोच्च अदालतले आदेश दिएको छ ।

अधिवक्ता मोहना अन्सारीले दायर गरेको बन्दी प्रत्यक्षीकरण रिटमा सुनुवाइ गर्दै मंगलबार न्यायाधीश डा. आनन्दमोहन भट्टराईको इजलासले यस्तो आदेश दिएको हो ।

अदालतको आदेश अनुसार दशैंको नवमी अर्थात असोज २८ गते रुवी खानलाई अदालत उपस्थित गराउन भनिएको छ ।

रिटमा सुनुवाइ गर्दै आइतबार न्यायाधीश दीपककुमार कार्कीले २४ घण्टाभित्र खानलाई सर्वोच्चमा उपस्थित गराउन आदेश दिएको थियो ।

तर प्रहरीले खानलाई उपस्थित गराएको छैन ।

नेपालगञ्जका दुई जना महिलाको शंकास्पद मृत्युको घटना अनुसन्धानको माग गर्दै आएका आफन्त र अधिकारकर्मी न्यायका लागि पैदल हिँडेर अघिल्लो हप्ता काठमाडौं आएका थिए ।

माइतीघरमा धर्ना बसेकै ठाउँबाट प्रहरीले गत शुक्रबार अधिकारकर्मी रुवी खानलाई पक्राउ गरेर नेपालगञ्ज लगेको थियो ।

उनलाई रिहा गर्न माग गर्दै अधिकारकर्मी मोहना अन्सारीले सर्वोच्चमा बन्दी प्रत्यक्षीकरण रिट दिएकी थिइन् ।


प्रतिक्रिया दिनुहोस