ताजा समाचार

कोरोनाको उपचारका लागि पहिलो खाने औषधि बन्यो, विज्ञहरुको यस्तो दाबी !

नेप्लिज संवाददाता १६ आश्विन २०७८, शनिबार ०९:३० (2 हप्ता अघि)    २०७ जनाले पढ़िसके

काठमाडौं । अन्तरिम परीक्षणमा रहेको एक औषधिले गम्भीर अवस्थाको कोभिड–१९ को संक्रमण भएमा अस्पताल भर्ना वा सम्भावित मृत्यु आधाले कम गर्ने देखिएको छ।

अमेरिकी औषधि उत्पादक मर्कले नतिजा निकै सकारात्मक आएको बताएको छ। मोल्नापिराविर नाम गरेको ट्याब्लेट दिनको दुईपटक बिरामीलाई दिइएको थियो।

मर्कले अबको दुई हप्ताभित्रै अमेरिकामा सो औषधि आकस्मिक प्रयोगको स्वीकृतिका लागि निवेदन दिने बताएको छ।

मोल्नापिराविरको परीक्षण नतिजा निकै राम्रो खबर रहेको अमेरिकी राष्ट्रपति जो बाइडेन प्रमुख स्वास्थ्य सल्लाहकार डा। एन्थोनी फाउचीले बताएका छन्।

तर फुड एण्ड ड्रग एड्मिनिस्ट्रेशन (एफडिए) ले परीक्षणको नतिजा पुनर्मूल्यांकन नगर्दासम्म सावधानी अपनाउन उनले आग्रह गरेका छन्।

यो औषधिलाई स्वीकृति प्रदान गरेमा कोभिड–१९ को उपचारका लागि प्रयोगमा आउने पहिलो खाने औषधि बन्ने नियामक निकायहरुले बताएका छन् ।

यो औषधि सुरुमा इन्फ्लुएन्जाको उपचारका लागि विकास गरिएको हो । तर कोभिड–१९ को भाइरस शरीरमा फैलिन नदिने जेनेटिक कोड राखेर परीक्षण गरिएको हो।

७७५ जनामा गरिएको परीक्षणमा औषधि आएकामध्ये ७.३ प्रतिशतमात्रै अस्पताल भर्ना हुनु पर्ने गरी बिरामी भए। ‘डमी’ औषधि दिइएकामध्ये १४।१ प्रतिशत अस्पताल भर्ना हुनुपरेको देखियो।

मोल्नापिराविर खाएकाहरुको कोभिड–१९ बाट मृत्यु भएन, तर डमी औषधिमात्रै दिइएकामध्ये ८ जनाको कोभिड–१९ का कारण ज्यान गएको हो।


प्रतिक्रिया दिनुहोस