ताजा समाचार

संसारकै धनी एलन मस्कको प्रेमिकासँग किन टुट्यो सम्बन्ध ? कारण यस्तो !

नेप्लिज संवाददाता १२ आश्विन २०७८, मंगलवार १८:२२ (3 हप्ता अघि)    १६१ जनाले पढ़िसके

एजेन्सी । संसारकै धनी मध्येका एक एलन मस्क र उनकी प्रेमिका ग्राइम्सबीचको सम्बन्ध टुटेको छ । यी दुईको तीन वर्ष लामो सम्बन्ध अर्ध–बिछोडको अवस्थामा रहेको पेज सिक्सले जनाएको हो ।

स्पेस एक्सका संस्थापक तथा धनाढ्यहरुको सूचीमा शीर्ष स्थानमा रहेका एलन मस्कले क्यानेडेली गायिकासँग ‘सेमी सेपरेटेड’ अर्थात् अर्ध–पृथकीकरण भए पनि आफूहरुबीच राम्रै सम्बन्ध रहेको जनाएका हुन् ।

आफ्ना एक वर्षे छोरा एक्स ए एसीलाई मिलेरै हुर्काउने जानकारी दिँदै मस्कले भने, ‘हामी अर्ध पृथकीकरण भएका छौं तर अझै पनि एक–अर्कालाई माया गर्छौं, बारम्बार भेट्न मन पराउँछौं र राम्रो सम्बन्धमा छौं ।’

स्पेस एक्स र टेस्लाको कामले गर्दा आफू टेक्ससमा हुनुपने र देश बाहिर पनि यात्रा गरिरहनुपर्ने मस्कले भनेका छन् । सन् २०१८ देखि सम्बन्धमा रहेका मस्क र ग्राइम्सलाई सन् २०२० को मेमा पुत्र लाभ भएको हो ।

पहिलो श्रीमती लेखक जस्टिन विल्सनपट्टी पाँच छोरा छन् । जसमा जुम्ल्याहा ग्रिफिन र जेभियर, १७, र तिम्ल्याहा डेमियन, स्याक्सन र काई १५ वर्षका छन् । त्यसपछि अभिनेत्री तलुलाह रिलेसँग दुई पटक विवाह गरेका उनको दुबै पटक सम्बन्ध टिक्न सकेन ।

पहिलो पटक सन् २०१० विवाह गरेका उनले दुई वर्षपछि सम्बन्धविच्छेद गरे भने सन् २०१३ मा फेरि विवाह गरे पनि सन् २०१६ मा फेरि सम्बन्धविच्छेद गरेको पेज सिक्सले जनाएको छ ।

यसअघि, विश्वका धनाढ्य माइक्रोसप्टका मालिक बिल गेट्स र पत्नी मेलिण्डा गेट्स, अमेजनका मालिक जेफ बेजोस र म्याकन्जी स्कटको सम्बन्ध बिच्छेदले पनि विश्वको ध्यान तानेको थियो । लामो समय सँगै करियर बनाएका उनीहरुको बिछोडको खबर पनि चर्चित बनेको थियो ।


प्रतिक्रिया दिनुहोस