ताजा समाचार

७३ तले भवन अचानक हल्लिन थालेपछि मानिसहरु भागाभाग (भिडियाेसहित)

नेप्लिज संवाददाता ५ जेष्ठ २०७८, बुधबार १३:५९ (5 महिना अघि)    २२८ जनाले पढ़िसके

काठमाडौं । दक्षिणी चीनको सेन्जेन सहरमा रहेको ९८० फिट अग्लो एसईजी प्लाजा भवन हल्लिन थालेसँगैमानिसहरुको भागाभाग भएको छ । एईजी प्लाजा चीनको १०४ औं अग्लो भवन हो ।

एक गगनचुम्बी भवन अचानक हल्लिन थालेसँगै उक्त भवनमा मानिसहरुको उद्धार गरिएको चिनियाँ संचारमाध्यमले जनाएका छन् । यो घटना मंगलबार साँझ भएको हो ।

त्यतिबेला चीनमा कुनै भूकम्प पनि नगएकाले भवन हल्लिनुको कारणबारे अहिले अनुसन्धान भइरहेको खबरमा उल्लेख गरिएको छ ।

 

चिनियाँ सरकारी समाचारपत्र द ग्लोबल टाइम्सका अनुसार मंगलबार दिउँसो साढे १२ बजेबाट उक्त भवन हल्लिन थालेको थियो । साढे २ बजेसम्म यो भवन खाली गराइएको थियो ।

यो भवन चीनको सेन्जेन भवनको बीचमास्थित छ । करिब एक करोड २५ लाख जनसंख्या रहेको यो सहरमा यो भवन एक ठूलो सपिङ सेन्टरको रुपमा चिनिँदै आएको छ ।

२० वर्ष पुरानो यो भवनमा धेरै कम्पनीका कार्यालयहरु छन् भने यसमा इलेक्ट्रोनिक्सको एक ठूलो बजार पनि लाग्ने गरेको छ ।

सामाजिक सञ्जालमा सार्वजनिक भएका केही भिडियोमा मानिसहरु भवनभन्दा बाहिर निस्किएर दौडिरहेको देख्न सकिन्छ । मानिसहरुले भूकम्प नआउँदा नै भवन किन हल्लिएको हो भन्नेमा आशंका व्यक्त गरिरहेका छन् ।

हल्लिएको कारण भवनमा कुनै चिरा देखिएको छैन भने भवनमा अन्य कुनै क्षति पनि पुगेको छैन ।


प्रतिक्रिया दिनुहोस