ताजा समाचार


ब्ल्याक होल र आकाश गंगा पत्ता लगाउने यी तीन वैज्ञानिकलाई नोबेल पुरस्कार

नेप्लिज संवाददाता २० आश्विन २०७७, मंगलवार १९:५५ (6 महिना अघि)    ३१२ जनाले पढ़िसके

एजेन्सी । ब्ल्याक होलको अनुसन्धान गरेका तीन वैज्ञानिक पुरस्कृच भएका छन् । उनीहरुलाई यस वर्ष भौतिक शास्त्रतर्फ नोबेल पुरस्कार दिने घोषणा गरिएको बीबीसीले लेखेको छ । रोजर पेनरोज, राइनहार्ड गेन्जेल र आन्द्रिया गेजले सन् २०२० को उक्त प्रतिष्ठित पुरस्कार हात पारेका हुन्। उक्त पुरस्कारको रकम एक करोड क्रोनर छ। यूकेमा जन्मिएका पेनरोजले अल्बर्ट आइन्स्टाइनको सापेक्षताको सिद्धान्तकै आधारमा ब्ल्याक होल हुने पुष्टि गरेका थिए। गेन्जेल र गेजले हाम्रो आकाशङ्गाको केन्द्रमा एउटा विशालकाय ब्ल्याक होल भएको प्रमाण खोजेका थिए। ब्रह्माण्डबारे गरिएका अनुसन्धानहरूका लागि गत वर्ष तीन वैज्ञानिकले संयुक्त रूपमा भौतिक शास्त्रमा उक्त पुरस्कार पाएका थिए। जेम्स पीबल्सलाई ब्रह्माण्डको क्रमविकास तथा मिशल मेयर र डिडिएर क्वेलोजलाई सूर्यजस्तो एउटा तारानजिक भएको एउटा ग्रह पत्ता लगाएकाले रस्कार दिइएको थियो। बीबीसीबाट


प्रतिक्रिया दिनुहोस